33v

bono et optimo uerbum retinent . et fructum afferunt

per patientiam . Quia scilicet nichil sunt bona que agimus .

si non aequanimiter etiam proximorum mala toleramus .

Quanto enim quisque plus profecerit . tanto in hoc mun

do inuenit quod durius sufferat . Quia cum a presenti seculo

mentis nostre delectatio deficit . eiusdem seculi aduersitas

nobis crescit . Hinc est enim quod plerosque cernimus

bona opera agere . et tamen subgraui tribulationum

fasce laborare . Terrena namque desideria fugiunt

et tamen flagellis durioribus fatigantur . sed iuxta

uocem domini fructum per patientiam reddunt . Quia cum

humiliter flagella ad aeternam requiem sublimiter

suscipiuntur . Quisquis ergo appetit plenae uitia

uincere . studeat humiliter purgationis sue flagel-

-la tolerare . Ut tanto post ad iudicem deum mundior

ueniat . quanto nunc eius rubiginem ignis tribulati

onis purgat . Instigate ergo uos fratres karissimi ad studium

boni operis . et multa bona opera agite . Vt cum iustis

et misericordibus consortes esse in regno dei ualeatis .

prestante domino nostro iesu christo . qui cum patre et spiritu sancto

uiuit et regnat in secula seculorum . amen .

.xx. OMELIA IN QUINQUAGESIMA .

Hoc denuntiare uobis oportet fratres karissimi . et uos dili-

gentius considerare debetis . ut per terrenorum medi-

corum exempla . peruenire studeatis ad caelestia .

quia haec est consuetudo carnalium medicorum . Quoties

cumque ad eos qui in corpore egrotare uidentur

ueniunt . Omnia que in eis dilectabilia sunt abscidere .